Ejemjan
Meni mähir bilen dünýä indiren,
Ulalýançam ak süýdüni emdiren,
Aglanymda hüwdi bilen diňdiren,
Söýýän seni, mähribanym ejemjan.


Kesellämde ýanymdadyr hemişe,
Ussatdyr ol, baş çykarýar her işe,
Size jan bermäge taýýar hemişe,
Söýýän seni, mähribanym ejemjan.


Mähirlidir seniň gara gözleriň,
Jana şypa seniň şirin sözleriň,
Owadandyr seniň nurly ýüzleriň,
Söýýän seni, mähribanym ejemjan.

Şahyr: Ezizow Begli