Güýzüm

Saçlarym tozadyp salkyn şemala
Altyn deý bürenip gelipsiñ güýzüm
Syrdam söwütleri eýläp kemala
Görküñden görk sowgat beripsiñ güýzüm

Ýere gaçyp, gaýmalaşýan ýapraklañ
Ýetilmedik arzuwlarym mysaly
Hoşboý ysly, kükeýän çyg topraklañ
Gamly göz ýaşymdan ganan mes ýaly

Joşgunly ylhamda galam gezdirip
Güýzüm hoş gelipsiñ ýene bir gezek
Ýürek sözüm setirlerde ýazdyryp
Her dolanyp gelşiñ ömrüme bezeg

Asman güpürdüsi ýüregimiñ ursy
Kä-te göz ýaşlarym meñzär ýagyşa
Neçün arzuwlarma ykbalym garşy
Ýürek gädiklerim dönýär nagyşa

Şol sebäpmi, bilemok nämeden?
Güýzüm men özümi saña meñzetýän!
Hyýal ummanymda ýüzyän gämiden...
Alyp pikirlerim saña ýañzytýan

Zilola Jepbarowa