Gijedir gündizi söýgiñe zarkam,

Hoşnut mähirli bir sözüñ ýetmedi.

Ähli zatdan ötri seni söýýärkäm,

Biwepa aýt saña näme ýetmedi?

Isleginde sendiñ biçäre göwnüñ,

Dikeniñ batyrdyñ ganaýar göwnüm,

Yşgyñda ýanmaýar indi meñ göwnüm,

Kalbyña söýginiñ közi ýetmedi.

Gam bilen siñdirýän goşga dadymy,

Datmadym duýgyñdan damja dadymy,

Bir gün unudaryn seniñ adyñy,

Bugün unudara gurbym ýetmedi.

Awtory: Ömürdag Tagandurdyýew