Uçradym derd-u belaga,
Göz bilen gaş arasynda.
Ejizem, mätäç penaga
Ýer bilen Arş arasynda.

Ederimi bilmän, her ýan
ýortup, boldum bagry girýan.
Hyýalymda saňa barýan
Daň bilen çäş arasynda.

Günler alyp barýar gama,
Ýaşara ber kalbyň maňa.
Yşk eziler dama-dama
Göz bilen ýaş arasynda.

Zöhre bolman, Tahyr olmaz,
Haýsy aşyk şahyr olmaz?!
Haýsy bir yşk ahyr olmaz
Ruh bilen läş arasynda?!

Mesgen bildim kalbyň törün,
Eýlemäwer ony görüm,
Hyýalyňda ýaşap ýörün,
Aň bilen huş arasynda.

Saýmasaň söýgimi sanda,
Arman artyp barar janda,
Tut golumdan iň bolmanda
Bir süýji düýş arasynda.

Mukam Muhamow