Durmuş hakykatlary 9

Eý dünýe, men saňa dokdur öýderdim,
Aldyň söýenlerini, ýetim, ýekeliň.
Garybyň elinden perzendin alyp,
Guma garar ýaly, aç göz ekeniň.

Eý dünýe, men saňa mertdir öýderdim,
Köpler arzuw edip, armanly gitdi.
Söýenleri bir-birinden aýyryp,
Ömrün ýakar ýaly, saňa näme etdi.

Eý dünýe, seň ýeriň hezil öýderdim,
Durşy bilen, ezýet eken gujagyň.
Bir başa müň gaýgy bereñden soňam,
Adamlara gün berenok ajalyň.

Eý dünýe, men saňa çyndyr öýderdim,
Tutuş, durşuň bilen ýalan ekeniň.
Çaga niçün aglap dogulýar diýsem,
Asyl ýalan dünýä gelen ekenim.

Kuwwat Yazmuhammedow