Gözleň gülmi, görküň gülmi gözelim?
Görküňe görk goşýar gara gözleriň.
Gözel görküň görüp güýz günlerinde,
Goşgy goşdym göz gezdirip görsene.

Gel gurban görküňe gözmüň garasy,
Goýup gitme gaýgy gamda galdyryp.
Geleriňe garyp göwnüm garaşýar.
Gel gaşyma gözleriňi güldürip.

Gije-gündiz geleriňe garaşýan,
Gelsene gel gül görküňden ganaýyn.
Garaş ganatlarym galgadyp gökden,
Gaýyp göni gujagyňa gonaýyn.

Gelmeýärsiň gujak gerip garaşsam,
Gel gülüm göwnümi gamlarda goýma.
Gyzyl gülüm gözel görküňi gizläp,
Gelmän gaýta gülüp göwnümi gyýma.

Gaýgy-gamdan gutar gynama göwnüm,
Gursagymda gam-gussalar galmasyn.
Gaýry gözellere gitmesin göwnüm,
Gaýry gözellerden göwnüm ganmasyn.