Men bu gün agladym seniň üçin däl
Meniň päk söýgümi harlanyň üçin
Ýüzüm güldürmediñ eý zalym ykbal
Agladym dertlerde horlanyň üçin

Men bu gün agladym seniň üçin däl
Biwepa ýigitleň barlygy üçin
Al kakmyş ýenede çykýaň öňümden
Bu goja dünýäniň darlygy üçin

Men bu gün agladym seniň üçin däl
Ýalany duýmaýan gözlerim üçin
Wadalar beripdiñ süýjiden süýji
Agladym ant eden sözleriň üçin

Men bu gün agladym seniň üçin däl
Armanly söýgümiň galany üçin
Bagtlylyk donuna bürenip gelen
Söýgiň ahyry puç ýalany üçin

Men bu gün agladym seniň üçin däl
Täleýimiñ ýowuz ýazgydy üçin
Başynda şat edip soň gamgyn edip
Bagtymyň ters gelen çözgüdi üçin

Başyma bu günler düşdükä niçun
Herimiz saýladyk aýratynja ýol
Ýüzüm gülendede aglaýa içim
Men bu gün agladym seniň üçin däl

Süleýman Tekäýew