Bu gün men diýseň bagtly. Çünki sekiz ýaşly oglum boýnumdan gujaklap:

— Siz dünýädäki iň gowy eje! — diýdi. Sekiz ýaşly oglumyň uly ynam bilen aýdan gepine ýylgyrdym we:

— Sen nireden bilýäň meň dünýädäki iň gowy ejedigimi? Näme, sen dünýädäki ähli ejeleri tanaýaňmy? — diýip, buýsanç bilen soradym.

Onuň beren jogaby diýseň üýtgeşik boldy we men ony berk gujaklap bagryma basdym.

— Men öz dünýämi tanaýaryn. Meniň dünýäm sizsiňiz, eje jan! — diýdi.