NÄME ÜÇIN GÖZÜMIZI ÝUMANYMYZDA NAGYŞLARY GÖRÝÄRIS?

Garaňky otagda gözümizi ýumanymyzda ýa-da açanymyzda, käwagt dürli nagyşlary, aýlawlary ýa-da yşyk çyralaryny görýäris. Bu görüş effektleri kesel sebäpli döräp biler, ýöne köplenç zyýansyz wizual galýusinasiýadyr.

Kwinslend Tehnologiýa Uniwersitetiniň alymy Katrina Şmidiň düşündirişi ýaly, gözlerimiz garaňkyda işlemegini bes etmeýär, tersine ýagtylyga meňzeýän gowşak içki duýduryşlary döredýär. Görünýän reňkli yşyklar we tolkunlar gözüň arka tarapyndaky öýjükleriň işjeňliginiň üýtgemegi bilen ýüze çykýar.

Beýni bu duýduryşlary alýar we tötänleýin maglumat hökmünde çözýär. Beýni olaryň hakyky yşykdan emele gelmeýändigini bilmeýär, şonuň üçin reňkli yşyklar we hakyky däl nagyşlar bizi haýran galdyrýar.

Elbetde, bu ýagdaý sagdyn adamlarda-da bolýar. Ýöne bu retinal meseleleriň alamaty bolup biler.