"Nesiwe"

Nesip etse hor eşegem,
Bir begzadañ maly bolar.
Kimler ir, kim giç düşüner,
Nesiwäñde bary bolar.

Din ymmata şübheliler,
Hak islese kary bolar.
Geljegiňi bir ol biler,
Nesiwäňde bary bolar.

Beglere näz eden hürler,
Bir çopanyň ýary bolar.
Dostum muňa ýazgyt dirler,
Nesiwäňde bary bolar.

Alla saňa ogul berse,
Alty, Bäşim, Çary bolar.
Asman gaçyp,ýer çöwrilse
Nesiwäňde bary bolar.

Ömür boýy mal mülk gözlän,
Öz newsine tazy bolar.
Baýar taňra şükür eýlän,
Nesiwäňde bary bolar.

awtory:Kerim Hally