Ýeri, bagryň dilip şuwlaňda näme!
Sesiň nirä ýeter?
Ýelginiň nirä?
Derdiňe kim düşer, alnyňdan dirär?!

Derdiň – suw,
Hiç kesiň topugyndan däl,
Alsa-da jahany holtumna dolap.
Sen-ä towlanarsyň hasratdan ýaňa,
A olar el çarpyp bererler jogap.
Şonda saňa tans edýänsiň öýdenler
Agyňa-da düşünmezler hazanda…

Saňa aýdym aýdýarmykaň öýderler,
Goşgudyr öýderler meniň ýazanma.