Adam gaharlanan wagty deri tüýleriniň kökleri gyjynýar-da, töwereginiň bozulmagyna eltýär. Bu bolsa deride ýara görnüşli düwürtikleriň döremegine sebäp bolýar.
Köp gaharlanmak galkan görnüşli mäziň işini bozýar. Bilşimiz ýaly, galkan görnüşli mäz bedende gerek bolan ýoduň bäşden bir bölegini we T3, T4 gormonlaryny bölüp çykarýar. Bu mäziň wezipesiniň bozulmagy dürli keselleriň ýüze çykmagyna getirýär. Mysal üçin, nerw ulgamynyň sazlaşykly işlemegine päsgel berýär, ýady küteldýär, häsiýeti üýtgedýär, ruhy hassalyga çenli ýetirip bilýär. Gan aýlanyş ulgamyna ýetirýän zyýany netijesinde bolsa, böwregüsti mäziň işi bozulýar. Bu bolsa ýürek urgusynyň çaltlaşyp-haýallamagyna, ýüregiň ulalmagyna getirýär. Galkan görnüşli mäziň işiniň bozulmagy iýmit siňdiriş ýollarynda hem köp keselleriň döremegine sebäp bolup bilýär.
Ýürek pulsumyza beýni gözegçilik edýär. Şol sebäpli ganyň köp mukdary beýniniň içinden aýlanyp gaýdýar. Gaharlanan wagtymyzda bolsa ganda toksin köpelýär, olam beýnimizi çalt garradýar.
Adam gaharlananda tolgunyp demi-demine ýetenok we tiz-tiz dem alýar. Bu bolsa öýkenlerimiziň kadaly işlemegine päsgel berýär.