Bir pursat dymaryn söýemok diýseñ
Içimde saklaryn ajy gaýgyny
Köze dönen bu söýgüniñ odunda
Bilemok,kim ýakar sönen duýgumy

Bir pursat dymaryn goşgy ýazaýsam
Duýgularym siñip barýar her bende
Birmahalky seniñ bilen arzuwym
Bilýäñmi gömüldi dirikä ýerde

Bir pursat dymaryn geñ hem görseler
Razy gülseler-de deñi duşlarym
Ýatsam bir haýyşym meni oýarmaň
Gutarmasyn sen hakynda düýşlerim

Bir pursat dymaryn gerek dymmaklyk
Ýadymdan çykaryp ähli geçeni
Huşymy ýitirip sergezdan bolup
Dymaryn
dymaryn
haçana çenli ?!

Jemşit Hajymämmedow