Bellator promouşeniniň ýeňil agramda çempiony Usman Nurmagomedow watandaşy Aleksandr Şabliýe garşy söweşer. Bu barada iki türgeniň menejeri Rizwan Magomedowa salgylanyp, TASS habar berýär.
Söweş ýazyň ahyrynda ýa-da tomsuň başynda geçiriler.
Öň, Usman Nurmagomedowyň geçen ýylyň noýabr aýynda Gran-priniň Brent Primus bilen ýarym final söweşinden soň şowsuz doping barlagyna garamazdan, titulyny saklajakdygy belli boldy. Ol alty aý diskwalifikasiýa edildi, onuň britaniýaly bilen duşuşygy bolsa geçirilmedik diýlip ykrar edildi.
Usman Nurmagomedowyň hasabynda 17 ýeňiş bolup, ýekeje-de ýeňliş ýokdur. Bir söweş geçirilmedik hasaplandy. 25 ýaşly türgen Absolýut söweş çempionatynyň (UFC) öňki guşak eýesi Habib Nurmagomedowyň doganoglanydyr.
30 ýaşly Şabliýiň hasabynda 24 ýeňiş we 3 ýeňliş bar.