Bagytlynyň gününe göriplik etme
Hemmäň bagty çüwsün diýip tama et
Ýüzüňi ýagta tut, päliňi ýagşa
Ak arzuwlar bersin saňa, hemaýat

Gara bulut gonsa, goňşyň üstüne
Şol buluduň syrylmagyny tama et
Birden goňşyň güni düşse başyňa
Ak niýetiň bersin saňa, hemaýat

Biri saňa töhmet atsa
Özüniň şol töhmede duşmagny tama et
Şondan başga zat isleme, bolany
Senä sag bol, olam bolsun salamat!