Ykbalym meňzedi göýdük salgyma,
Yhlasyňdan sowulyplar bu yşkym.
Köňül urbasyna siňen syr ýaly,
Heserli hyýallar serimi deşdi.

Saralan güýzlerde galan aýdymym,
Ah, bilmedim, nirelerde ýerledi.
Ýowuz düýşleň aýasynda galanym —
Göwnüm hünübirýan düýni sermedi.

Bir ýanymda sogap, bir ýanda günä,
Süňňi agyr gussalara ten berip,
Seniň ykbalyňa sygmadym,
Dünýäm,
Batyl misli töweregmi sermenip.

Özgeler deý özelendim, ölmedim,
Yşk ýolunda bagry para saýyl men.
Bir ýerlerde gezip ýörseň,
Bar bolsaň...
Ýetilmedik wysala-da kaýyl men.

Sülgün Pirmedova