Alymlar kartoşkanyň doly DNK-syny kesgitlediler

Adamyň doly DNK yzygiderliligi mundan 20 ýyl ozal çözüldi. Gyzykly tarapy, kartoşkanyň genomy adamlaryňka garanyňda has uly we çylşyrymly. Ony aýdyňlaşdyrmak üçin ösümlikleriň tozgajyklaryny ulanmaly bolduk.

Esasy mesele, kartoşkanyň genomynyň tetraploid bolmagy we adamlarda bolşy ýaly onda iki däl-de, dört sany hromosomyň bolmagydyr. Her gen dört sany nusgada hereket edýär, şonuň üçin olardan islenýän alamaty döretmek gaty kyn. Bu, elbetde, täze görnüşleri köpeltmegi has kynlaşdyrýar.

Häzirki wagtda alymlar kartoşka hromosomlarynyň bir toplumynda takmynan 3,1 milliard esasy jübütiň bardygyny anykladylar. Gözlegçiler, umuman alanyňda, 38214 gen tapdylar. Bu işiň netijesinde kartoşkanyň täze, has çydamly we bol hasylly görnüşlerini ösdürip bolar.

Ogulbeg ATAJAÝEWA,

Döwletmämmet Azady adyndaky Türkmen Milli dünýä dilleri institutynyň talyby