Seniñ gülden näzik,görkli göwnüňe,
Yşky nygmatyny rowa gören Hak
Söýmek ücin yşkbaz saýyp menide
Munda ikimizi duşurşyna bak!

Geldiñ mahmal demiñ çaýdyñ ýüzüme
Unutdym dünýäniñ ýanwarlaryny
Ikimiz hem söýüşmegi bilsekde
Bilmändiris başa geljek gamlary.

Gabanjañlyk üçin gaýry gözlerden
Käte sowa düşen sözlerim üçin
Zol zol kine düşüp dursa kalbyña
Biz bu ýola bile çykdyk nämüçin?

Hem nämüçin ykbalymyz birigen
Hakyñ halan söýgi atly ýolunda
Wah hemmämiz çig süýt emip ulalan
Düşün ahyr
Yşkyñ ody gursakda
Bir birege hemdem üçin ýanyp dur
Durmuşyñ añzakly ýanwarlarynda...