Türkiýeli astronawt kosmos giňişligine çykdy



Türkiýe Respublikasynyň kosmos maksatnamasy uly üstünlige beslendi. Ýurduň ilkinji astronawty älem giňişligine çykdy.

ABŞ-nyň “SpaceX” kompaniýasyna degişli kosmos gämisi Florida ştatyndaky NASA edarasynyň Kennedi kosmos merkezinden kosmos giňişligine uçuryldy. Bu kosmos gämisinde Türkiýe Respublikasynyň ilkinji astronawty Alper Gezerawjy hem bar.
“SpaceX” kompaniýasynyň resmi saýtynda “Ax-3” kosmos missiýasynyň älem giňişligine ugraýan pursatlary 1,3 million adam tarapyndan tomaşa edildi.
Ilkinji bolup kosmos giňişligine çykan türk astronawty Alper Gezerawjy 14 gün Halkara kosmos bekedinde dürli ylmy barlaglar geçirer. Gezerawjy kosmos giňişliginde ynsna saglygy, Tuz gölüniň ösümlik dünýäsiniň kosmos giňişliginde barlagdan geçirilmegi ýaly ugurlarda iş alyp barar.
“Ax-3” missiýasynyň düzüminde türk astronawty bilen bir hatarda toparyň ýolbaşçysy ispan kosmonawt Maýkl Lopez Alegriýa, Italiýadan Walter Willadeý we Ýewropanyň Kosmos agentliginden şwesiýaly Markus Wandt bar

🌟🌟🌟🌟🌟🌟

MESSI FIFA TARAPYNDAN 2023-NJI ÝYLYŇ IŇ GOWY FUTBOLÇYSY DIÝLIP YKRAR EDILDI

Londonda FIFA-nyň «The Best» baýraklarynyň gowşurylyş dabarasy geçirildi. Dabarada ýylyň iň gowy futbolçysy üçin esasy baýraga argentinaly Lionel Messi mynasyp görüldi.
     36 ýaşly Messiden başga-da, baýraga norwegiýaly Erling Haland we fransiýaly Kilian Mbappe hem dalaşgärlik etdiler.
     Iň gowy tälimçi diýlip «Mançester Siti» toparynyň tälimçisi Pep Guardiola saýlandy. Ol Angliýanyň Premýer ligasynda, Angliýanyň kubogynda we UEFA-nyň Çempionlar ligasynda ýeňiji bolup, 2022/23 möwsüminde trebl etmegi başardy.
     «Mançester Siti»-niň derwezebany Ederson ýylyň iň gowy derwezeçisi diýen baýragy eýeledi. Braziliýaly Gilýerme Madruga iň owadan goluň awtory diýlip yglan edildi.
     FIFA-nyň saýlamagy boýunça ýylyň simwolik ýygyndysy: Tibo Kurtua («Real Madrid»), Kaýl Uoker, Jon Stounz, Ruben Diaş (ählisi — «Mançester Siti»), Jud Bellingem («Borussiýa Dortmund» / «Real Madrid»), Kewin De Bruýne, Bernardo Silwa (ikisem — «Mançester Siti»), Winisius Junior («Real Madrid»), Lionel Messi («PSG» / «Inter Maýami»), Erling Haland («Mançester Siti»), Kilian Mbappe («PSG»).