Bolsaň bolýar

Sürmeler bozulsa gaşdan,
Baharlar aýlansa daşdan,
Tapawudy ýok haýsy ýaşda,
Sen bir zady bilseň bolýar,
Kä gözüme ilseň bolýar.

Asman hem zemin arasyn
Söýginiň hökmi sorasyn.
Didämiň agy-garasy
Sen bir zady bilseň bolýar
Maňa mydam gülseň bolýar.

Köşeşmez kalbyň zary hiç,
Galan zatlaryň bary hiç,
Ýa ir bolar, ýa juda giç.
Sen bir zady bilseň bolýar
Çakylygma gelseň bolýar.

Armanym äkider ýeller
Goý, geň görse görsün iller.
Soňky pursat gyssam elleň
Hem bir zady bilsem bolýar
Gujagyňa dolsam bolýar.