Şatlan bu gün bolma tukat halatda
Eger derdiň bolsa egserin ýarym
Garaş maňa şol daşarky haýatda
Duşuşyga seň ýanyňa barýaryn

Belki durmuşymda joşgunly günüm
Ýol urdum tolgunyp elimde gülüm
Seniň waspyň eýläp saýradyp dilim
Duşuşyga seň ýanyňa barýaryn

Lebleriňden posalar almak üçin
Bir pursatlyk seň bilen galmak üçin
Mähir siňen söýgiňden ganmak üçin
Duşuşyga seň ýanyňa barýaryn

Mundan-da has beter göwnüm açmaga
Begenjimden guşlar kimin uçmaga
Ogryn girmek üçin miweli baga
Duşuşyga seň ýanyňa barýaryn