2024-nji ýyl — taryhda iň yssy ýyl bolup biler



«Gazeta.ru»-nyň habar bermegine görä, üstümizdäki 2024-nji ýyl howa gözegçilikleriň tutuş taryhynda iň yssy ýyl bolup biler.

Şu ýyl temperaturanyň ýokarlanmagynyň El-Ninýo hadysasy – Ýuwaş ummanyň ekwatorial böleginde suwuň üstki gatlagynyň temperaturasynyň üýtgemegi bilen baglanyşyklydygy öňe sürülýär. Mundan başga-da, suwuň üstki gatlagy sowasa, oňa La-Ninýa diýilýär.

Bütindünýä Meteorologiýa Guramasy (WMO) bu ýyly heniz geçen ýyl tamamlanmanka taryhda iň yssy ýyl diýip atlandyrypdy. Gurama geçen ýylyň ilkinji on aýynda global temperaturanyň senagatdan öňki ortaça görkezijiden 1,4 dereje ýokary bolandygyny belläp geçdi.

Britaniýanyň meteorologiýa gullugy 2024-nji ýylda temperaturanyň bu görkezijiden geçip, 1,5 dereje bolmagynyň mümkindigini belleýär.

«TürkmenGazet»