"Bu gün ýene bir gün geçdi ömürden"
Bir däl, hemme kişiñ urýan ýüregi,
Käsiniñki etden, käsi demirden.
Isle bal iý, isle et iý, aç otyr,
Bu gün ýene bir gün geçdi ömürden.
Töññä derek, pul ýaksañam pejiñde,
Peýdasy ýok, derdiñ bolsa içiñde,
Çal döretmek üçin gara saçyñda,
Bu gün ýene bir gün geçdi ömürden.
Ajal janyñ almak üçin howlukýar,
Adamlar baý bolmak üçin howlukýar,
Bagtdan başga aýt nämede gowluk bar,
Bu gün ýene bir gün geçdi ömürden.
Ömrüm mugt bolsa-da, hiç kime bermen,
Ömür hemme kişä bir gezek berlen
Näme üçin ýaşaýañ? Gowja pikirlen,
Bu gün ýene bir gün geçdi ömürden.
Durmuş synar, tikenlerden ätledip,
Bolmaz eken ýazgydyñy üýtgedip,
Soñky jaýyñ mazardygny ýatladyp,
Bu gün ýene bir gün geçdi ömürden.
Kuwwat Ýazmuhammedow.