Goşgudan galan gyýkyndylar.


▪︎Dilegem gyzyl ýüzüňi soldurýar.

▪︎Emzik emendirmezlik üçin berlenok.

▪︎Başyna giden öz başyny iýip gitse ýagşy.

▪︎Ýasly öýde ýakym bolmaz.

▪︎Goýmaga ýer tapmaýan zadyny iýmäge zat tapmaýanyň öýünde goýanok.

▪︎Müň eneke bir enäň ýerini tutanok.

▪︎Enäň güýji — mährinde.

▪︎Başga duşmanyň bolmasa, babadaşyň duşmanlary bilen gidişibermeli.

▪︎Keýpiň ýok wagty hiç kimi görmeseň, hem hiç kime görünmeseň gowy.

▪︎Almaly wagtyň dynç almasaň, baky dynç almaly wagtyňy golaýlaşdyrarsyň.

▪︎Nyşana almak üçin ýeke göz ýeterlik.

▪︎Rysgalam guşuň göterilişi ýaly göterilýär.

▪︎Ölçegiň bolmasa, göz çaky bilen ölçemeli.

▪︎Ütülip goýlan guşy tutýan — akmak.

▪︎Oňat eseri okap çykaňsoň, eliňe galam almaga ýaýdanýarmyň?

▪︎Güýz gyşyň golaýlaşyp gelýänligi üçin gussa batyrýan bolaýmasyn.

▪︎Dünýä garranok, garradýar.

▪︎Kyn pursatda ata-babaňa sygynmaly.

▪︎Gyz-gelinler bilen baglanyşykly söýgä “yşk” diýmeli.

▪︎Gürrüňi gürrüň açar.

▪︎Dileg eklemez, bilek eklär.



#Atajan ANNABERDIÝEW.