Bolýa,
Bu gezegem seniñ diýeniñ bolsun.
(Diýenim bolmasa, näme diýeýin).
Niýetlän zatlaryñ başyma gonsun,
Şeýdip menem hatalarmy bileýin.

Ýakynlygyñ soñy söýgä sapanyn
gördüm welin, söýgiñ soñy dostluga
öwrülenin görmedim. Bu tapanyñ
Pikirlermi çekip barýar boşluga.

Diñe söýüp bilýän!
Söýgümi welin
Dile alyp bilmän gelýän düñle men.
Aýralygy kabul edýärin elin,
Öz-özümden başgalary diñlemän.

Tal-a däldi, umydymy dañanym...
Uçan göwnüm indi nirlere gonsun?!.
Ýüregiñe umyt bolup damanym
Bu gezegem seniñ diýeniñ bolsun.

Arzuw Umydow