Prokuror garry jübütden sorapdyr:

— Şunça ýyldan soň näme üçin aýrylyşmak isleýäňiz?

Garry aýal jogap beripdir:

— Jenap prokuror, 1 aý öň bular ýaly zat barada pikirem edemokdym. Ýoldaşym maňa bir otag güli getirdi, menem gülleri gowy görýän. Ol maňa yzygider suwarmasaň gülüň ölýänligini aýtdy. Mende süňk rahatsyzlyklary bar, gijeler ukymdan oýanyp gülleri suwaryp durmaly bolýadym. Bir gün üns berdim welin ýoldaşym bir gezejigem bolsa meň agyrylaryma gynanyp, gije turup gülleri suwarmady. Şol sebäplem men bular ýaly düşünjesiz adam bilen ýaşamaly däl diýen karara geldim.

Prokuror ol aýaly makullapdyr we ýoldaşynada söz haky beripdir:

— Siziň aýtjak zatlaryňyz barmy?

Garry adam:

— Aýalymyň aýdan hemme zady dogry, diňe birinden galany. Meň oňa beren gülüme köp suw berseň ölýä. Aýalymyň süňk rahatsyzlygy bar we gowulaşmagy üçin yzygider maşk edip durmaly, ýöne aýalym ony etmeýänligi üçin menem şu ýalany tapdym. Güli ölmesin diýip her gije oýanmaly boldum. Ol her oýananda menem oýandym, işini bitirip uklanynda gidip gülüň suwuny boşadyp, kagyz süpürgiç bilen topragy guradardym. Soňam ýerime gelip, maňa şular ýaly gowy durmuşy beren, janymdan köp söýýän aýalyma seredip ýatardym...

Prokuror jübüdi aýrylyşdyrmandyr.