Adamlaň içinden gyl dek sogrulyp,
Bir gün soňky ýola ugraryn menem.
geçip giden ýyllar yza öwrülip,
hiç haçan, hiç haçan dolanmaz ýene.

Dolanmaz yzyna ýigrimbäş ýaşym,
Dolanmaz yzyna gojalygym-da.
Güneş bilen şemal bilen hoşlaşyp,
Ýiterin ýoklugyň gijeliginde.

Ot gögerip mazarymyň üstünde
Gezegine bezär ony pasyllar.
Ýyllar gider,
Ýiter gider mazar-da,
Bu topragy bezäp ýaşar nesiller.

Gör neneň hekaýat:
Bolmasam-da men,
adamlar ýaşajak, baky öljek däl.
A men bolsam adamlardan aýrylyp,
Bir minut hem ömür sürüp biljek däl.

✍️🏼 Halyl Kulyýew