Bolup bilmen

Adam men ýalñyşym bilen söýmeli,
Jennetde päk biten gül bolup bilmen.
"Ýigrenýänler bar" diýip niçüýn köýmeli?
Hemmä ýarar ýaly pul bolup bilmen.

Baýy däl bagtlyny ýüzime syldym,
Başarsam mert bolup gözlere ildim.
Men diñe bir güýje gul bolup indim,
Ynan özgelere gul bolup bilmen.

Ynsan pespäl bolsa ýeñjegi hakdyr,
Kalbymyñ gymmaty çen bilen çakdyr,
Süýem barmagyñy ýokaryk bakdyr.
Ana men diñe ŞOL bolup bilmen!

Kerim Hally