Biri saňa diýipdir:
«Samsygyrak bolmaly!»
«Akyllyrak bolmaly!»
diýipdir ýene biri.
Ikisini aýdan hem
– şygyr älemniň şiri.
Şirleriň ikisi-de
kimdigini bilipdir:
Sende ikisem ýeterlik
Dünýä döräli bari...

Wraç diýdi
Üç hili dolulyk bolup biler:
Birine – gözüň gider,
Birine – gülkiň tutar,
Birine – haýpyň geler.

Oýlandym:
Şahyrlyk hem şoň ýaly bolup biler:
Birine – gözüň gider,
Birine – gülkiň tutar.
Birine – haýpyň geler.

Kerim Gurbannepesow