Tomusda garylyp çaňdyr tozana

Gyşda bolsa hapa laýa bulanyp

Şeýdip boýun egip herki hallara

Bizem bir obada barýas ulalyp

Sada diýseň däl biz onçakly sada

Ýöne welin asla hilebazam däl

Bizi ýakynlarmyz söýýär diýsekde

Söýmeýänleriňem sany azam däl

Bizde biraz paýhas tapmak kynyrak

Ýöne juda baý biz pentdir öwüde

Döräýseň köp däldir manatlaň sany

Takrap ýatan şol ýukajyk jübide

Gülki biziň iň bir ýakyn dostumyz

Kim näme diýse-de halymyz kökdür

Şatlanyp gezeniň däldir tenteklik

Ýöne bizi şeýdip oýlaýan köpdür

Biz hiç ýerde özümizi öwmedik

İslemedik beýlesin bar bolsa-da

Ony entek goýup ýörüs geljege

Her kimlerden almaly ar bolsa-da

Geplemejek bolýas başarsak uly

Uly gepe diýipdirler müň toba

Hak goladasa bolup galar ýaşlygmyz

Şol hapa palçykly hem gumly oba