Aldanmaň, Hudaý Özüni ýaňsyladýan däldir! Adam näme ekse, şony orar!

Mümkin, sizi hic wagt gana suwsan ýyrtyjy kowalan däldir, şonuň ücinem howp salýan ölüm duýgusyny başdan geciren dälsiňiz. Emma her birimiziň yzymyzdan mundanam has elhenc ýyrtyjynyň dyngysyz kowup gelýändigine ynanmalysyňyz. Ol - günä we onuň ücin beriljek jezadyr. Günäniň seni tapmagy - bu edil Hudaýyň bardygy ýaly jedelsizdir. Günä özüni jenaýatcy ýaly alyp barýar. Ol hic hili görnüşde-de gizlenip bilýän däldir. Günäniň öz bedeniňden tapylmagyna düşünmek ücin aýratyn subutnamalar talap edilmese gerek. Adam näme ekse, şony hem orar. Meselem, alkogol icgilerini ulanmak bagyr we ic kesellerini döredip, organizmiň dürli kesellere garşy durma ukybyny peseldýär. Jyns ahlaksyzlygy hökmany suratda weneriki kesellere getirýär. Hatda gahar-gazaply, merhemetsiz iňňirdili ýagdaý aşgazanyň bozulmagyna getirýär.

GÜNÄŇ ÜCIN TÖLEMEKDEN GACMAGA EDILEN SYNANYŞYK BIDEREKLIKDIR!

Günä diňe bir bedende hereket etmän, ol ynsan barlygynyň bir böleginde hem saklanýar. Meselem, humarly oýunlara ýykgyn edýän adamlarda erbet häsiýetler döräp başlaýar. Olar gaharjaň, talabediji, ulumsy, aldawlyk ýollary bilen hemişe birinji bolmagy halaýarlar.

Ýaradanymyz her bir adamda Hudaýyň odunyň ucgunyny ýakdy. Bu ucgunyň ady - wyždandyr. Onuň wezipesi ýagşy işlere ymtylyp, dogry ýola gönükdirmekdir. Adam günä edende, wyždan ony paş edýär, duýduryş signallaryny berýär. Emma adamlarda onuň sesine garaýyş dürli-dürli bolýar. Birileri gulak asýar, başga birleri bolsa gazaplanýar.

Günäniň üstünden edilen höküm birbada berjaý edilmeýär. Käwagt berilmeli jeza örän uzaga cekýär. Mundan peýdalanyp, şeýtan adamy azdyrýar, onuň günäsini hic kim hic wagt bilmejekdigi hakda aýdýar. Şeýlelikde, ol nobatdaky öz pidasyny tabyn edýär. Elbetde, durmuşda hemme günäleriň üsti acylýan däldir. Adamyň eden käbir jenaýatlary bu ýeriň üstünde höküm edilmez. Emma beýle diýildigi, günäniň hic hacan tapylmajagyny we jezalandyrylmajagyny aňlatmaýar. Mümkin günä seniň ýüzüňde görner, häsiýetiňde ýüze cykar, hic bolmanda seniň cagalaryňda peýda bolar. Jeza seniň yzyňdan ýeter, mümkin soňurak, öleniňden soň tapylar!

"GÜNÄ ETMEK GADAGAN!" goý, bu biziň şygarymyz bolsun! Goý, bu biziň wyždanymyza almaz bilen oýulyp ýazylsyn! Goý, bu ýaşaýan öýüňde, işleýän edaraňda, meşgullanýan ussahanaňda ýaňlanyp dursun!