Öýüňizdäki käbir meseleleri sabyn bilen çözüp biljekdigiňizi bilýärdiňizmi?

Suwa düşýän wagtyňyz sabynyňyz yzygiderli eliňizden taýyp gaçýan bolsa, bu meseläni magnit bilen çözüp bilersiňiz.

Sabyn döwülen aýnany arassalamak üçin hem ajaýyp usullardan biridir. Bir stakan döwülende, uly bölekleri almak aňsat, ýöne göz bilen görmek kyn bolan ownuk bölekler babatda bolsa bu ýagdaý beýle däl. Şeýle ýagdaýda ownuk aýna böleklerini sabyn bilen arassalap bilersiňiz. Sabyny aýna bölekleriniň üstünde ýuwaşlyk bilen süýşüriň we döwülen bölekleriň hemmesiniň sabyna ýapyşýandygyny görersiňiz.

Sabyn diňe bir arassalamakda däl, eýsem, gapy gysylanda-da ýardam edýär. Gysylan gapyňyzyň iliklerine sabyn sürtüň we ony ýaýratmak üçin gapyny birnäçe gezek açyp-ýapyň.

Sabyn ösümlikleriňizden zyýanly bakteriýalary aýyrýar we onuň uzak ýaşamagyna sebäp bolýar. Organiki materiallardan ýasalan sabyn bilen ösümlikleriňizi has sagdyn edip bilersiňiz. 1 litr suwa bir nahar çemçesi suwuk sabyn we bir nahar çemçesi zeýtun ýagyny goşuň. Bu garyndyny ösümliklere yzygiderli pürküji bilen sepiň.

Ysyny halaýan sabynyňyzy şkafyňyza salyň. Şeýlelikde, eşikleriňiziň ysynyň tämizdigine göz ýetirersiňiz.

Diwardaky deşiklere sabyn çalyň we deşikden artyk galan sabyny mata bilen arassalaň.