Aktrisa bilen gürrüň

— Hindi kinosynda birje tema bar,
Olam söýgi. Ýeri, başga näme bar?

Diýip, onuň bilen gürrüň açamda,
Ak dişleri bägül ýaly açyldy.

Garaluw gözleri güldi bagtyýar:
— Dünýäde söýgüden başga näme bar?

— Hindi kinosynda aýdymdan başga,
Zat ýok — diýip bälçiredim ýamaşgan.

Ýene gara gözler ýandy bagtyýar:
— Dünýäde aýdymdan başga näme bar?

Diýip jogap berdi ol sowal bilen,
Söhbet tamamlandy 2:0 bilen.



Berdinazar HUDAÝNAZAROW.