Adamlaryň kiçiräjik göwni bar
Bil çeniňi ýitäýmesin namys-ar
Öýke-kine bilen dilmäň ýüregi
Ömür gysga söýüň birek-biregi

Dost yzyndan töhmet kesegin atma
Görüplik eýläbem dostuňy satma
Gaýtam bolgun hem daýanjy diregi
Ömür gysga söýüň birek-biregi

Gatnaşykda sylag-hormat baş bolsun
Jebis boluň agzalalyk daş bolsun
İýiň bile bir saçakdan çöregi
Ömür gysga söýüň birek-biregi

Geziber ene-ataň çekip azaryn
Bil gadryny bar bolsa söýen ýaryň
Ýitiräýseň eger artar geregi
Ömür gysga söýüň birek-biregi