Gaýym bol


Baýlyk diýip düşme nebsiň yzyna,

Adam ogly ynsabyňa gaýym bol.

Haram ýygnap berme ogul-gyzyňa,

Haýyrly işlere mydam maýyl bol.


Hakdan diläň iman ýalbaryň, çöküň,

Ýalany söndüriň dogry zat ýakyň,

Halal bolsun azam bolsada hakyň,

Şükür etde öz hakyňa kaýyl bol.


Döwür üýtgäp ýitip barýar kadalar,

Barha azalyp dur öňki sadalar,

Söýmän beren bolsaň ýalan wadalar,

Öz ýüregiň ýanjakdygyna taýyn bol.