Ýok häzir bu hatym Aýazbaba däl!
Başga bir arzyla , mährem ejeme.
Maşgala baýramy täze ýyl güni,
Aramyzda ýollar ýatyr nijeme.
Men häzir bu haty atama ýazýan,
Ýazýaryn çal saçly maşgalabaşa.
Bilmen indi ykbalymda näme bar,
Şol ýedren başlapdy ömrümiň baş-a.
Men häzir bu haty dostlarma ýazýan,
Çyn ýürekden gülüp bilýän meýsizem.
Iň bagtly günlerim şolar bilendi,
Olar häzir şadyýandyr mensizem.
Häzir gözellere ýazýan bu haty,
Olar owadandyr arçaň zerinden,
Saý-sebäp birisi ýylgyryp baksa,
Geçip bilseň geçdä onsoň deňinden.
Il - günüme ýazýan, obama ýazýan,
Ýazýaryn bu haty ezizlerime,
Men däl hut ykbalyň özi goýupdy,
Sizi bu ýüregiň eziz ýerine.
lmyrat Babaýew