Ýer bolmasyn gaýgy-gussa

Gülki şatlyk sürsin höküm

Täze ýylda arzuwlar kän

Ýöne saglyk bolsun möhüm

Gowşamasyn agzybirlik

Dury bolsun asmanymyz

Egsilmesin halal bolan

Saçakdaky duz nanymyz

Garşylyk bermesin hiç zat

İşlermiz bolsun oňuna

Her kim ýetsin täze ýylda

Bir arzuwynyň soňuna

Ýollaryndan azaşanlar

Ugurlarňyz bolsun dogry

Hudaý bersin gujaklara

Saglyk bilen gyz ýa ogly

Gireliň biz täze ýyla

Kalp ýaralap göwne degmän

Gutlaýaryn çyn ýürekden

Täze ýyly bilen hemmäň