"Kalbym agyrsyny duýaňda ynjap
Ýatman aladamy edýärdiň niçe?!
Tümlükde galamda şamçyrag bolup
Maňa ýagty saçan sen dälmi,eje?!
Barym diýsem barlyk kem gelýän ýaly
Gülüm diýsem Güneş dogjak dek gije!
Söýgiň Aýy,Güni yza dönderer
Ýürekdäki urgym sen dälmi,eje?!
Çagalygym bolsa senem ýaş bolsaň
(Geçmiş üçin birje çekäýsek bije..)
Ne men çaga,arman,ne günler öňki
Ýene geçen geçmiş geläýse,eje?!
Baýlyk däl,şöhrat däl meniň dilegim
Ol ne jübüt dileg täk ol,ýekeje
Perzentleň gözüniň garasy bolup
Kakam bilen goşa garraýsaň eje?!
Öwezowa Bilbil"