Aýyň ýaňagyndan dişläpdir biri,

Megerem şol pursat alma saýandyr.

Ýa- da bir mahallar söýüp bir gyzy,

Ýüreginde belki arman galandyr.

 

Aýyň ýaňagyndan dişläpdir biri,

Şu gün bir azajyk gaçypdyr gelşik.

Ýa soňky günlerde idelmändir şol,

Daşyndan undulan top ýaly ýemşik.

 

Ýüzünden müň ýoda barýar ýaňaga,

Käsi kerwen geçen ýol ýaly çatak.

Ýa gije ýassykda gyşyk uklapdyr,

Dünýäni duýmandyr,

Ýa şol has ýatak…

 

Garaz ýaňaklary dişlenen ýaly,

Şu gije görnüşi üýtgäpdir aýyň.

Ýogsa syýadan deý çogup ýatyr ol,

Söýülmäge mynasyp ol, bitaý ol.

 

Megerem şeýledir, bilýän däldiris,

Ony deňän bolýas bagtly birine.

Aýyň ýaňagyndan dişläpdir biri,

Hyjuwlarna çydam etmän,iribem.


”SIREN GIJESI” GOSHGULAR TOPLUMY OGULJENNET BASHIMOWA.