Sen geldiň - özgerdi dünýäm,
Telbe boldum akyl-huşsuz.
Özümiň çyn täleýime
Seniň gözleriňde duşdum.

Asmana çekip keşbiňi,
Tapdym seni ýüregimden.
Durmuşyň düýpsüz deňzinde
Halas etjek küregim sen.

Gursagymda dogan Aýsyň,
Ak ýyldyzlar keniz saňa.
Seň baryňda bu söýginiň
Hasraty-da eziz maňa.

Gelseň, Älem ýazdyr, ynan,
Gitseň, ýürek aglar sessiz.
Dünýäni saňa bermişem,
Maňa seniň yşkyň besdir...

Kakamyrat Rejepow