"Bu maý öňkilerden üýtgeşik geldi"
#Seýitmyrat Geldiýew.




Bu gyş öňkülerden üýtgeşik geldi,
Guşlaram uçmady günorta sary.
Baglaryň ýapragy terligine durup,
Göterdi lebinde ap-akja gary.

Sowuk däl, mymyjak şemal oýnady
Leýlisaçlaň darap duran saçlaryn.
Hut şu gyşda - şu owadan gyşymda,
Men ýene-de ýanyp ýazyp başladym.

Güýzüň agraslygy siňdi bu gyşa,
Ýazyň beýhuş eden yşky çetredi.
Ýaryň tomus dolan gujagyndaka,
Hem tenim, hem ruhum, beýnim titredi.

Düýrmegim berildi joşguna, duýga,
Olar ne köşeşdi, ne-de peseldi.
Hawa, söýgi dolan oglan dünýäme,
Bu gyş öňkülerden üýtgeşik geldi.