Sen indi uzaga gitme,
Goýma ýolda gözlerimi.
Şygryma-da salabilmän,
Kösenýän men sözlerimi.

Sen gitme indi uzaga,
Demigip barýan ýaly men.
Göýäki göwnümi ýere,
Degirip barýan ýaly men.

Sen indi gitme uzaga,
Aşma däli derýalary.
Seni gözläp, hyýal, düýşde,
Torç etdim men derýalygy.

Sen gitme indi uzaga,
Nätjek ýürek üzüläýse?!
Ynjarmyşyn gabak, gaşlar,
Gözler ýaşa eziläýse.

Sen indi uzaga gitme,
Bu meniň soňky haýyşym.
Ýene-de dert bolup dömer,
Ýogsa bu gussa, nalyşym.

Ogultäç Oraztaganowa