Perwaýsyz bakyşlaň dadyn alaryn sowuk kofemde,
Sowar kofe, sowar gije, sowar alysda ýyldyz, Aý.
Özüm oklaryn deňze, duýmaz janly-jemende,
Daňdan ýene dolanaryn, tapman janyma başga jaý.

Sen düşünjek bolarsyň maňa uzaklardan bakyp,
Müňýyllyklary dörüp men özümi gözläp ýörkäm,
Ýat ýetimden el bularsyň, göýä ki päk çagalyk
Utanyp kirlän ruhumdan, boş sözlere gizläp ýörkäm.

Bir goşgy geler, penjiräm kakar durar, açmaryn,
Yzarlaryn uzaklaýan söýgiň aýak sesini.
Ýalňyzlyk sypar ýene ir agaran saçlarym,
Diňläris bulut bürän aýyň pelsepesini.

Bir gurt uwlar gursagymda,
bir dem diňer, saz, pelsepe, owarra...
diýersiň sen ýene-de,
Saňa bir zada bolýa...

Nejep Baýat