@beghanym-yň ýaryşynyň üçünji şerti boýunça men @gulia_maksatmyradowa-nyň öz zehininden dörän ,,Eýesi bolduň!\" atly postuny saýladym.

Men, adatça, sazlaşykly, durmuş babatynda düzülen goşgulary halaýaryn. ,,Eýesi bolduň!\" atly goşgunyň maňa ýaran ýeri bolsa, sazlaşykly düzülendigi. Goşgy adamyň söýgi duýgusyny beýan edýär.

Söýgi – bu göwün göteriji we güýje-güýç goşýan zat. Söýgi bagtsyzlara bagt paýlaýar. Lew Nikolaýewiç Tolstoý, rus ýazyjysy. Biz öz-özümizi öňküden-de beter söýmegi­ mizüçin, beýlekileriň söýgüsini gazanmaga çalyşýarys. Didro Deni, fransuz filosofy. Söýgüden gorkýan durmuşdanam gorkýan­dyr, durmuşdan gorkýan bolsa, ölüniň üç­den biri ýalydyr. Rassel Bertran, iňlis filosofy.

Bu postda Altyngözel Amanmämmedowanyň ,,Men seniň dünýäňde galasym gelýär\" atly goşgusyny ýazmagy makul bildim.

Men seniň dünýäňde galasym gelýär,
Hem ganasym gelýär yssy mähriňden.
Öçügsi umytlam biraz janlanýar,
«Seni ýitirmerin» diýen ähtiňden.

Men seniň dünýäňde galasym gelýär,
Ornaşasym gelýär seniň ýadyňa.
Sen bolmasaň kim ýetişer, ezizim,
Duman örten duýgularmyň dadyna?