Hyzmatynyň gadryn biljek,
Gaýyn duşsyn gowy geline.
Edil öz gyzy deý görjek,
Gaýyn duşsyn gowy geline.

Ýaş çatynja öwüt berjek,
Balam diýip ganat gerjek.
Ýamanlap däl, öwüp gezjek,
Gaýyn duşsyn gowy geline.

Aýtsyn kemini özüne,
Ezdirmesin hiç gyzyna.
Mydam düşürjek yzyna,
Gaýyn duşsyn gowy geline.

Ogluna gep içirmeýän,
Azar berip göçürmeýän.
Bagt guşuny uçurmaýan,
Gaýyn duşsyn gowy geline.