Gyş geldi,
Yşkdan doly bir derde uçrap,
Badymyň gowşanyn biläýen ýaly,
Uzak aýralygy depeläp, syçrap,
Köne dostum gaýdyp geläýen ýaly.
Hatalarmy ýuwmak üçin gar bilen,
Öz öňümde aklamaga özümi,
Döwüş gurap köräp duran nar bilen,
Sowatmaga ýüregimiň közüni.
Aklyk bolup ýagyp dur ol alnyma,
Täzaden direnip-dörärim ýaly,
Ýagyp dur ol, ak bolsun diýip, ýoluma,
Doňup dur seresap ýörärim ýaly.


Ýüzümden däl, ýüzüme gar ýagyp dur,
Gözden däl, gözüme düşýär tozgasy.
Hem ýadyma düşýär ýaşan ömrümiň
Sensiz geçen günlerinden özgesi.


Synla gary bu bir duranja joşgun,
Seniň ylham beren gözleriň ýaly.
Päk ol gursagymda gizlenen yşgym
Hem aýdylman galan sözlerim ýaly.


Odumyza özümizi ýakdyp biz,
Kebelegiň ömrün soňlaýşy ýaly.
Sensiz oňman, güýzüň sary ýapraksyz,
Gyşyň bolsa garsyz oňmaýşy ýaly.