Siziň gürrüňdeşiňiziň aýdýan zatlarynyň boýdan-başa ýalňyş bolmagynyňam mümkindigini ýadyňyzda saklaň. Ýöne onuň içki pikiri beýle dälem bolup biler. Şonuň üçinem ony köteklemäň. Beýtmegi her bir samsygam başarar. Oňa düşünmäge çalyşyň. Diňe akylly, kanagatly gowy adamlar şeýtmäge synanşar.
Näme üçin ol adam şeýle pikirlenýär we başga hili etmän, hut şu hili hereket edýär? Munuň sebäbi bardyr. Şol gizlin sebäbi tapyp bilseň, onuň hereketleriniň, belki-de şahsyýetiniň açary siziň eliňize düşer.
Çynyňyz bilen onuň ýerinde özüňizi goýjak boluň. "Eger men şunyň ýagdaýyna düşsem, özümi nähili duýardym, näme ederdim" diýip öz-özüňizden soraň. Şeýtseňiz köp wagtyňyzy aýap hem-de saglygyňyzy saklap bilersiňiz "Eger biz sebäbi bilen gyzyklansak, ahyrky netijäniň ýakymsyz bolmak mümkinçiligi azalýar". Munuň üstesine-de, adamlar bilen aragatnaşyk meselesinde siziň ussatlygyňyz çalt öser.
ZATLARA ÖZ GÜRRÜŇDEŞIŇIZIŇ NUKDAÝNAZARY BILEN SERETMÄGE ÇYNYŇYZ BILEN YMTYLYŇ!
"Dosty neneňsi gazanmaly we adamlara nädip täsiriňi ýetirmeli" kitapdan.