Her bir hoş sözi ýerine düşürip, başaryp aýdyp bilmegiň ullakan ähmiýeti bar. Şeýdilse kän adamlaryň saglygyny gorap boljak.
•Bahylçylyk, köplenç halatda, diňe asgyn bilen güýçliniň arasynda döreýär: asgyn güýçlini gabanýar.
•Uly şahsyýet kiçijik zatlarda-da özüniň ululygyny görkezýär.
•Hoş söz satylýan zat däl: ony zerur ýerinde gysganman paýlamak gerek.
•Şöhrat adamyň gaýratyny ölçemek üçin iň uly synagdyr.
•Ulumsylyk uly adamyny-da kiçeldip görkezýär. Kiçigöwünlilik kiçi adamyny-da ulaldýar.
•Özgä guwanyp bilmeseň, saňa guwanmazlar.
•Batyr adamyň batyrçylygy hakynda olaryň özüni gepletmek bigelşik bolýar. Adam öz barlygy barada näçe edeplilik bilen gürrüň berse-de, ol seniň gözleriň öňünde ýuwaş-ýuwaşdan pese gaçýar.
•Gomparmagy gowy görýän adamlar öz doglan obasyndan näçe uzaga gitdigiçe, şonça-da beter gompuldaýarlar. Sebäbi ol ýerlerde olary tanaýan adam ýok.
•Öz dostuňdan gizlin saklaýan syrlaryňy hasaplap gör. Şol syrlaryň möçberi näçe köp boldugyça, şonça-da sen öz dostuňdan uzakdasyň.
•Hakyky ýazyjy tankytçydan gorkmaýar. Ol diňe okyjydan gorkýar.
Taýýarlan: Ogultar Çaryýewa.