Bilýän, kän göwnüňe degýärin seniň,
Günäsizkäň gaharlanyp ýerliksiz.
Seniň täk ýazygyň, men ýaly däliň,
Ykbalyma peşgeş edip berlipsiň.
Haýyş, hemmesine dişiňi gysda
Meni bagyşla!


Bilýän seni aşa gabanýanymy,
Pikirlerime gijäň reňki çaýylan.
Käte müňkirligem edäýmäm bardyr,
Ýogsam söýýän bir perişde saýybam,
Sen baryna düşünmäge çalyş-da
Meni bagyşla!


Bilýän juda gyňralygny gylygmyň,
Käte bolýanlygymy ýürege düşgünç.
A sen şol pursatda edil ýüregimiň
üstünden hanjar deý sözleriňi sünç.
Çydaman jan bersem ýygnama meýdim,
Çöllerde gurtlara şam edip taşla.
Ýöne men dirikäm gitme ýanymdan,
Ýöne men dirikäm meni bagyşla!


Mätgurban Mätgurbanow.