Imissyou
14.12.2023 05:13
Gar kristallarynyň bäş müňden gowrak görnüşiniň bardygy hasaba alnandyr.
Örän köpsanlydygyna garamazdan, olaryň hiç biri beýlekisine meňzemeýär.
Ýere gaçýan gar parçasynyň tizligi sagatda bir kilometre golaý.
Gar parçalarynyň 95 göterimi howadan ybarat.
Ýer ýüzünde ýaşaýan adamlaryň ýarysyndan gowragy ömründe hiç hili hakyky gary görmedik.
19-njy ýanwar Bütindünýä gar güni.
Mikroskopda garyň ilkinji fotosuratyny 1885-nji ýylda alypdyrlar.
Amerikaly fotograf Uilson Bentli ony anyk düşürmek üçin 46 ýylyny sarp edipdir.
Gar kristallaryny ilkinji bolup dürli toparlara bölen ýaponiýaly alym Nakaýa Ukiçirodyr.
Şol sebäpli Ýaponiýanyň Hokkaýdo adasynda ýerleşýän dünýädäki ýeke-täk gar muzeýine onuň ady berlipdir.
Häzirki wagtda adamlar diňe bir tebigy däl, eýsem, emeli garlardan hem peýdalanyp bilýärler.
1961-nji ýylda ilkinji emeli gar enjamy ulanyşa girizilýär.
1975-nji ýylda bolsa, ABŞ-nyň Winkonsin uniwersitetiniň talyby suwda buz kristallarynyň döremegine kömek edýän biologiki garyndylar bilen işleýän enjamy ýasaýar.
2014-nji ýylda Soçide geçirilen Gyşky Olimpiýa oýunlarynda şeýle enjamlaryň 500-si ulanylypdyr.
